Kontalari baten egunkaria · Ines Bengoa · Ipuin Kontalaria · Ahozko Narrazioa

info@inesbengoa.com | Teléfono de contacto: 606 15 43 21

Non zaude: Euskara » Kontalari baten egunkaria

Kontalari baten egunkaria

Kategoriaren artxiboa Gomendioa

Orgi Basoko I Ipuin-Kontalarien Jaialdia

Orgi Basoko I Ipuin-Kontalarien Jaialdia

Aurten Orgi Basoko I Ipuin-Kontalarien Jaialdia ospatzen da, Nafarroa osoko lehenengo ipuin jaialdia, izan ere. Ultzama Granja Eskolak antolatutako egitarauak irailaren 14tik azaroaren 3ra bitartean irauten du, larunbat eta igande oro. Asteburu honetan, irailak 28 larunbata 16:30etan eta irailak 29 igandea 12:00etan, han ibiliko naiz kontu kontari. Elkar ikusiko? Egitarau osoa ikusteko sakatu hemen: https://bit.ly/2k9NOkw

25/09/2019 08:42h Ahozko Narrazioa, Berriak, Gomendioa, Ipuin Kontalariak, Ipuin Kontalaritza, Ipuinak

Ipuinak Cuencan

BITA 2018

Cuencako Antzerkiaren Lagunen Elkarteak BITA (Nazioarteko Bi Urteko Aktore Antzerkia) Jaialdiaren XI. edizioa ospatzen du aste honetan. Zorte onekoa naizela esan dezaket ekitaldi honetara gonbidatua izan naizelako. Bertan egiaztatu ahal izan dut jaialdi osoa mimo handiz eta ia artesau-lana eginda prestatu dutela. Artisau-lana diot asko eta oso ondo zaintzen dutelako topaketa hauen lehengaia, partaideak alegia. Elkartzen, solasaldiak izaten, bazkari edota ardo bat partekatzen saiatzen dira, gertutasunetik beti ere. Eta presaka, zenbakiak, kontratuak, tramite burokratikoak eginez, eta betebehar eta betekizunez beteta gabiltzan garai hauetan, giza eta arte oasi honekin topatzen dut nire burua, eta damutzen naizen gauza bakarraz egun libre gehiago hartu ez izanaz da, beste ikuskizunetaz, eta konpainiaz jakina, disfrutatzeko. Hau da BITAtik eramaten dudan altxorra. Beraz, gogoan hartu eta betiko eskertuko dizuet. Bejondeizuela! (Bi izen bereziki: Ángel Suárez eta Paula Carbonell, mila esker).
 

» Artikulu osoa ikusi

24/10/2018 20:39h Ahozko Narrazioa, Berriak, Gomendioa, Helduak, Ipuin Kontalaritza, Ipuinak

Krokodiloa ohe azpian

Krokodiloa ohe azpian

Irakurri berri dut Mariasun Landak idatzitako Krokodiloa ohe azpian eta esan behar dut oso irakurketa atsegina izan dela. Hasieratik istorioa nola bukatuko ote zen jakin-mina piztu zitzaidan eta ez nuen liburua utzi bukatu nuen arte. Irakurterraza, umore ukituarekin eta euskara garbia eta irakurtzeko erosoa erabiltzen duen istorio hau gomendatzen dizuet.

Gazteek irakurtzeko oso aproposa.

Krokodiloa ohe azpian kontakizun honek Tolosako Udalak antolatutako narrazio laburren lehiaketa irabazi zuen 2002an; Espainiako Haur eta Gazte Literaturako Sari Nazionala 2003an eta berriro argitaratu da 2015ean.

Titulua: Krokodiloa ohe azpian
Egilea: Mariasun Landa
Argitaletxea: EREIN
Urtea: 2015eko maiatza
Orrialdeak: 86



 

07/09/2016 14:57h Gomendioa, Haur eta Gazte Literatura, Literatura

Xaldun Kortin, jolastu gurekin!

Xaldun Kortin

Hizkuntza baten ikaskuntza etxean hasten da. Umeak hizkuntza bereganatzeko modu naturala inguruko helduei hizketan entzutea izaten da. Horretaz gain, gurasoek eta aiton-amonek, jolasa eta maitasuna direla medio, haurrari eskainitako mimo, urruma, losintxa eta abestiek haurraren hizkera aberasten dute. Gaur egun Nafarroan, orain dela berrogei urte hitz egiten ez zen lekuetan, euskara ikasten ari den eta seme-alabekin euskaraz erlazionatzen den guraso belaunaldi berria dago baina, zenbait kasuetan, haurtzaroko abesti eta esamoldeak faltan bota dezaketen aita eta amak dira.
Gaur aurkezten dizuedan liburuak lagunduko dizue horretan.



 

» Artikulu osoa ikusi

22/01/2015 18:47h Berriak, Gomendioa, Haur eta Gazte Literatura, Literatura

Liburu bat

Liburu bat

 
Liburuak oso dibertigarriak izan daitezke. Gaur aurkezten dizuedan hau, erakusgarri. Nik jolas-liburua deitzen dut. Neska-mutilekin konpartitzeko dagoen altxorratxoa iruditzen zait, beraiekin jolastu eta tarte entretenitua pasatzeko eta, gainera,  liburu baten inguruan! Diseinu garbia eta erakargarria duen liburu honek koloreak, tamainuak eta espazioan dauden gauzen kokapenarekin jolasten du. Behin eta berriz kontatu daitekeen liburua da, batere aspertu gabe. Izan ere, gero eta gehiago kontatzen badut, gero eta gehiago gustatzen zait.

 

» Artikulu osoa ikusi

04/04/2014 10:53h Gomendioa, Haur eta Gazte Literatura, Ipuinak, Literatura

Txikitzen zaretenean

Txikitzen zaretenean

Aspaldian nire esku artera iritsi den ipuinik maitagarriena da hau. 
Hasteko, izenburuak biziki deitu zuen nire arreta, horregatik hartu nuen. Lehehengo orrialdea zabaldu eta, berehala, irribarrea ezpainetan. Orrialdeak pasa ahala irribarrea gero eta zabalagoa, eta bihotzean zein sabelean zurrunbilotxoa handituz doala. 
Gertatzen da, urtetik urtera, ezinbestez helduagoak, arduratsuagoak eta serioagoak izaten garela, eta barre egiteko eta ondo pasatzeko arrazoiak zein momentuak ahaztu egiten zaizkigula. Txikitzen zaretenean gure haurtxarora begira dagoen leiho irekia da, gure ezjakintasun eta alaitasunera, gure lotsagabekeri eta ilusiora. 
 

» Artikulu osoa ikusi

15/01/2014 13:33h Gomendioa, Haur eta Gazte Literatura, Helduak, Ipuinak, Literatura

Zuhaitzak landatzen zituen gizona

Zuhaitzak loandatzen zituen gizona

Kontakizun guztiek garrantzia dute mezu baten garraiolari direlako. Baina badira ezinbestekoak bihurtzen diren kontaketak bizimodua ulertzeko ikuspuntua aberastu eta aldatu dezaketelako. Horietarikoa da Jean Gionok 1953. urtearen inguruan idatzi zuen Zuhaitzak landatzen zituen gizona, hain zuzen.
Egiazko gertakizun batean oinarritutako istorioa da hemen azaltzen zaiguna eta hori jakiteak oraindik indar gehiago ematen dio kontakizunari. Benetan, ez dakigu zein ahalmena dugun gizakiok gure ingurua eraldatzeko. Batzutan ematen du bakarrik "boterea" eskuartean dutenak zerbait egin dezaketela mundua aldatzeko, eta hau bezalako kontaerak gizon soil baten ahalmenaz hitz egiten digu. 
Bestalde, kontakizunak oso erritmo aproposa du, irakurleak poliki poliki ohar dadila gertatzen ari denaz.
 

» Artikulu osoa ikusi

27/05/2013 19:48h Gomendioa, Helduak, Ipuinak, Iritzia, Literatura

Zenbat lur behar ditu gizon batek?

Zenbat lur behar ditu gizon batek?

 
Lev Tolstóik 1885. urtean idatzi zuen kontakizun labur honetan jakin-mina pizten da hasiera hasieratik.
Pahom, ipuinaren protagonista, landako etxe batean bizi da bere familiarekin. Lasai eta gustura bizi direla ematen du harik eta deabrua gizonaren bidean agertzen den arte. Deabrua azaltzen den guztietan badakigu kontua ezin dela ondo bukatu baina, hala ere, itxaropena beti nagusitzen da irakurlearen bihotzean.
Aski ezagunak dira gizakiok batzutan pairatzen dugun aseezintasuna deskribatzen duten kontakizunak. Tolstóik errusiar nekazari pobre baten bizitzan hain garrantzitsua den lurra oinarritzat hartu eta gizakion beharra noraino hel daitekeen azaltzen digu.
 

» Artikulu osoa ikusi

24/05/2013 11:13h Gomendioa, Haur eta Gazte Literatura, Helduak, Ipuinak, Iritzia, Literatura

Euskal Herriko Leiendak

Euskal Herriko Leiendak

Toti Martinez de Lezearena den Euskal Herriko Leiendak liburua ezinbestekoa da nire liburutegian.
Oso gustokoa dut Euskal Mitologiari buruzko 65 elezahar biltzen dituen liburu hau;  irudi ederrak ditu eta, gainera, irakurterraza da.

Eskoletara joan naizenean ipuin hauek kontatzera zenbait lekutan ez zuten liburu hau ezagutzen eta, ikasleekin lantzeko, oso tresna baliogarria dela iruditzen zait euskal sinesmenak, pertsonaiak eta ohiturak gazteei hurbiltzeaz gain, irakurmena, ulermena, hiztegia baita irudimena ere landu baitaiteke, besteak beste.
Istorioak idatzita dauden moduagatik nik esango nuke 8 urtetik gorako neska-mutilentzako egokiak direla.

 

» Artikulu osoa ikusi

21/01/2013 17:13h Gomendioa, Haur eta Gazte Literatura, Ipuinak, Literatura

Yoshi Hioki "Cuentos de la Luna"n kontatzen

Yotsi Hioki

Atzo berriro ere  Cuentos de la Luna -n egon nintzen eta Yoshi Hioki Japoniako ipuin kontalaria ezagutzeko aukera izan nuen.
1999 urtetik ipuin kontalaria, margolaria eta Arte Ederretan Lizentziatua den japoniar honek bere herrialdeko garai guztietako alegiak, ipuinak eta kontakizunak ezagutzera ematen ditu. Espainiako zonalde garrantzitsuenetan ibili da kontatzen, baita Mexiko eta Brasilgo hainbat hirietan ere. 

» Artikulu osoa ikusi

18/01/2013 20:04h Gomendioa, Helduak, Ipuin Kontalariak, Ipuin Kontalaritza, Iritzia
Cuentacuentos Infantil - Inés Bengoa Subir

Ipuin Kontalaria eta Ahozko Narrazioa Nafarroan, Gipuzkoan, Araban, Bizkaian eta Errioxan info@inesbengoa.com - Tel. 606 15 43 21

Aviso Legal - - Web Mapa - Diseñador Web Diseño web profesional