Karabi Karaba

Karabi Karaba ondo pasatzeko ipuin saio barregarria da.

Ipuin sorta dibertigarria besterik ez dugu behar ondo pasatzeko eta irudimena elikatzeko, kontalariaren ahotsaz eta gorputz adierazpenaz lagunduta.

• Gomendatutako adina: 5-7 urte bitartekoentzat.
• Ikuslego kopurua: Barruko aretoetan, 40 pertsona baino gutxiago egotea gomendatzen da. Leku irekietan, babestutako guneetan egitea gomendatzen da; ipuin saioa megafoniaz lagunduta egingo da kasu hauetan.

50 minutuko iraupena du, gutxi gorabehera.

Karabi Karaba ipuin kontaketa hainbat lekutan egin daiteke: liburutegietan, kultur etxeetan, elkarteetan, liburudendetan, eskoletan... Nola nahi ere, beti gomendatzen da leku babestua, erosoa eta tenperatura atsegina izatea umeek saioa gehiago disfruta dezaten.

Saihestu behar duguna: igarobideak eta kirol edo jolaserako erabiltzen diren espazioak (gimnasioak, psikomotrizidade gelak edo jolas tokiak).
 

• Barruko aretoetan: Mahai bat.
• Leku irekietan: Mahai bat eta 220v-ko argi-hartune bat.