Ogi erdia eta liburu bat

Estreinaldia: 2021/09/30

Altxorraren irlak diren liburutegientzako omenaldia.

Lizarrako liburutegiak egindako eskaera izan zen abiapuntua. Istorioen bilaketa eta prestaketa burutzeko liburu, hizki, eta idazle ezberdinen artean murgiltzean abentura hasi zen, ohikoa den moduan. Iosu Lizarragaren akordeoiarekin egindako entsaioekin abenturak jarraitu zuen -hitza eta musikaren arteko zorioneko harmoniaren bilaketarekin. Publikoarekin topaketa, urduritasun, adrenalina eta gozamenez betetako esperientzia izan zen. Emaitza: liburutegientzako omenaldia, berriro gertatzea nahi duguna.

Fitxa teknikoa

Ipuin saioaren deskribapena

Ogi erdia eta liburu bat helduentzako ipuin saioa da. Literatura ahozkoa zen garaietatik gaur eguneraino Ovidiok, Hector Gomez Navarrok eta Sorche Nic Leodhasek irudikatu zituzten istorioei doinu eta ahotsa ipini dizkiegu. Garai, giro eta genero desberdinak iradokitzen dituzten kontakizunek osatzen dute emanaldia.

Nori zuzenduta dago ipuin saioa

Adina: 16 urtetik aurrera.
Ikus-entzulego kopurua: 60 pertsona baino gutxiago.

Ipuin saioaren iraupena

60 minutuko iraupena du, gutxi gorabehera.

Non egin daiteke

Ogi erdia eta liburu bat liburutegietan, kultur etxeetan, elkarteetan... egin daiteke. Berez, istorioak entzuteko gogoz jendea baldin badago, edozein lekutan egin daiteke. Leku lasai eta babestu batean egitea gomendatzen da ipuinak bihotzez bihotz hobeto bidaiatzeko.