Sherezade mintzatzean, bizitza dantzan

Estreinaldia: 2021/03/05

Emakumeen aurkako bortizkeriaren kontrako istorioak

Sherezade ipuinetako emakume-heroien artean garrantzitsuenetakoa da. Emeki-emeki, Mila eta bat gauetan zehar, erregea gonbentzitzen du berarekin ez akabatzeko. Horrela, indarkeria eta inposaketaren aurrean arrakastaren ikur bihurtzen da adimena, hitza eta entzumena soilik erabilita. Bere istorioei esker burua salbatzeaz gain, herri osoa errege krudel baten atzaparretatik askatzen du. Sherezadek berdintasunezko eta bidezkoa den gizarte baterako bidea erakusten digu.

Fitxa teknikoa

Ipuin saioaren deskribapena

Sherezade mintzatzean, bizitza dantzan Sherezadek Mila eta bat gauetan kontatzen dituen istorioak, bestelako herri ipuinak eta zenbait idazleren -Emilia Pardo Bazan, Alice W. Fulleren- kontakizunez osatutako helduentzako ipuin saioa da. Kontaketa hauek garai eta egoera desberdinetara garraiatuko gaituzte, guztiek zerbait amankomunean izango dutelarik: umorea, adimena eta maitasuna berdintasunaren bilaketa gauzatzeko askatasunerako tresnak bezala. Indarkeria, koldarkeria.

Nori zuzenduta dago ipuin saioa

Adina: 16 urtetik aurrera.
Ikus-entzulego kopurua: 60 pertsona baino gutxiago.

Ipuin saioaren iraupena

60 minutuko iraupena du, gutxi gorabehera.

Non egin daiteke

Sherezade mintzatzean, bizitza dantzan liburutegietan, kultur etxeetan, elkarteetan... egin daiteke. Berez, istorioak entzuteko gogoz jendea baldin badago, edozein lekutan egin daiteke. Leku lasai eta babestu batean egitea gomendatzen da ipuinak bihotzez bihotz hobeto bidaiatzeko.